成都&張家界之旅 DAY1
復活節有一星期的假期,想去國內旅行, 決定從深圳搭國航到成都4日3夜後再到張家界行山, 張家界沒有直航返港,回程又會到深圳再返香港. 第一次去深圳機場,比想像人多, 過關便已經見到人山人海. 下晝12點機,大約9點幾到達深圳, 出發前以為內地無復活假人會較小, 到深圳福田搭地鐵既既時候人比年宵多十倍, 當你唔郁會被大媽推撞, 你推我撞下忍無可忍 拉了 男友離開去搭的. 呢一個係高風險決定,因為大陸人人都用”滴滴” CALL車, 我地無國內電話所以無辦法CALL到的士,只能”等”. 行左十幾分鐘去到另一邊大馬路等,當時得返兩個鐘, 奇蹟突然出現, 我見到一架的士係付近落客, 最快速度衝上的士向機場出發 好好彩趕到上機下晝到了成都.